Ang Aking Hinagpis

Ginawa ko Ba Ang Nararapat?

Ang Aking Hinagpis

Enero a kuwatro, dos zero zero ocho

(January 4, 2008)

Noon dinala si Daddy sa hospital ICU.

Atake sa puso ang naging dahilan

Na siya ay dalhin sa hospital na ‘yan.

Alas dose media, ika siyam ng Enero

(12:30 AM January 9,2008)

Pumikit ang mata mahal na Daddy ko.

Ako’y nagmamasid na walang nagawa

Pugto ang mata kong bumalong ang luha.

Huling nasilayan malamig na bangkay

Nitong aking Daddy sa kanyang libingan

Nitong ika kinse Enero ring buwan

(January 15, 2008)

Inihatid namin sa huling hantungan.

Ang buhay ng tao’y walang katiyakan;

Kailan mapuputol, hindi natin alam.!

Ang Poong Maykapal, tanging siya lamang

Ang makapag-sasabi kung ito’y kailan.

“Daddy, di ko akalaing ikaw ay lilisan”

Sa pag-sisikap kong ika’y alagaan.

Puyat, pagod ng katawan at isipan

Lahat ito’y binata at pinag-tiisan.

“Sapagkat, Daddy, nais kang mabuhay,

At sakit mong dala’y iyong malusutan,

Ginawa kong lahat aking nalalaman

Bilang isang nurse sa iyo’y nag-bantay.”

Sa hirap na iyong dinanas-binata

Upos ng kandila ang aking kapara.

Kahit na lumamlam ang apoy sa mitsa

Napag-tiisan ko, gumaling ka sana!.

Sa pag-hihirap mong aking nasaksihan

Itong aking puso’y nadudurog naman.

Walang magawang ikay ay ibisan

Ng paghihirap mong aking naramdaman.

Sa huling sandali nitong iyong buhay

Ayaw kong makitang nag-hihirap ikaw.

May luha ang matang ika’y binayaang

Kami ay lisanin, ika’y mamaalam.

Ibigin man naming gawin ang lahat

Upang dugtungan ang buhay mong hawak

Hindi mabayaang ika’y maghihirap

Hindi naming kayang batahin ang lahat.

Ngayong kaming lahat ay nangungulila

Sa pamamalagi na ika’y kasama

Ako’y nag-daramdan at nagtatanong pa

“Sapat ba nagawa, natulungan kita?”

At hanggang ngayon sa aking isipan

Laging sumusurot at hindi maparam

Laging naririnig ang daing mo Tatay

Hirap na hirap ka sa ‘yong karamdaman

Sa aking pag-tulog ala-ala’y ikaw

Sa pag-hihinagpis ang aking pang-laban

Ang paniniwalang tahimik na ikaw

Sa piling ni Jesus , na Poong Maykapal.

Ang hiling ko lamang, Oh Daddy kong mahal

Sa ‘king panag-inip dumalaw ka lamang,

At sabihin sanang maligaya ikaw

Masaya’t tahimik, walang dinaramdan.

At kung alam ko na ang lagay mo’y ganyan

Panatag ang puso sa gabi at araw

Mapapasa akin ang katahimikan.

“I miss you Daddy” dapat mong malaman.

Composed by Jose Monzon